الاجتماعيات

أود في هذه المشاركة أن أطرح موضوع الاجتماعيات بين اهلنا في السعدانة (الموجودين فيها حالياً) كيف هي هل ترون أنها كما كانت في السابق أن الناس انشغلوا بالعولمة ومدخلاتها وتركوا جبنة الضحى وقعدة ضل الضحى ولا ندعو في هذا للعطالة ولكن حتى يعرف الناس أحوال بعضهم البعض ويكون ذلك التواصل الحميم ، أين ذاك التواصل بين حاجة زهراء محمود ومريم الزبير والليلة أنت تابخة شنو وانا أعمل شنو والجنبة معانا وتعالي يابت أمي عوسي معانا عليك الله

الاخ ود المدني شكرا لطرق هذا الموضوع المهم جدا  في اولي مشاركاتك معانا ونتمني ان تكون اضافة حقيقية للمنتدي اما  بخصوص موضوع فالحمدلله من ناحية الشباب هذا الشئ موجود ولن نتنازل عنه لاننا عيشين في اخوة بيننا  والجانب الاخر وهو الستات وهم كذلك                        ونسوانا بحبن شراب الجبنة ومتواصلات  والعواسة دي قلت شوية نسبة للطفرة وصاجات الغاز والكهربا نتمني مشاركت الاخوات لانهن صاحبات الجانب الاخر وادري اكثر مني                    تقبل مروري                             الوافي 

تسلم يا ود المدني علي الموضوع ونتمني لك دوام المساهمة معنا بالمنتدى