رسائل نصيه

اخى العزيز معاويه[/color] ـــــــــــــــــ لا اعرف كيف تسلل الكسل الى روحك الوثابه والنشطه .والتى تسعى دوما
الى مد عرى التواصل والتلاقى الجميل.
اخى الطيب المهدى ______كلنا تشوق الى حروفك الجميله وسحر كلماتك الاخاز
طالت غيبتك اخى الكريم عن منتدى الشعر.

اختى هدى ــــــــــــــــــــ نتلهف الى سماع اخبار درتنا الوادعه السعدانه.

اخى الكريم محمد ابو جوده ـــــــــــــــــ نعرف تماما حجم مشغولياتك فى هزه الايام ولكن كنا نتمنى ان نكون فى الصوره.

اخى الفاضل نصر الدين عثمان ـــــــــــ مازلنا نقف امام منزل المرحوم الدنقلاوى (ود محمود) نترقب قاربك الجميل
لياخزنا فى سياحه اخرى فى بحر الزكريات.
رساله اخيره علها تصل الى قلوب كل الاعضاء ممزوجه بتحياتى الصادقه لهم
ودعواتى بموفور الصحه والنجاح والتوفيق للجميع.

الاعزاء محمد ابو جوده وعمر عرديب
طبعا انا ضحكت حد القهقه لانو عمر زكرنى المرحومه حبوبتى بنت المنى لما تقول لى ياولدى
تعال اكتب لى جواب ,اتخيلت طبعا منظر عمر وهو بملى فيك الحاجه الهو عايز اقولها,
اخى الكريم بخصوص الانتخابات انا لا اسميها هزيمه بقدر ماهى تجربه ثره وجديره بالاحتفاء فمجرد المبادره هو انتصار,وقديما قالو
من الصعب ان تهزم انسان لا يستسلم ,ففى قادم الانتخابات سوف تعالج السلبيات والاخطاء ويبقى الامل مابقى الانسان.
اما بخصوص المشاركه اخى عمر عرديب فهى كانت فى المنتدى الاجتماعى سوف تجدها كالاتى :تهنئه/محمد المهدى/نصر الدين
اما بالنسبه لى (الابا تب ما اشتغل) اقصد اللابتوب اوالمحمول فالشى البتبقى عليهو
نحن ماعندنا مشكله ,ازا فى الخرطوم او الدوحه وما بين الدوحه والخرطوم تصليح وترميم العلاقات السياسيه ومحاولات لرأب الصدع بين الحكومه والفصائل الدارفوريه ,فما فى مشكله نقوم بمحاوله معالجه وتلصيح اللا بتوب بتاعك ياود الخاله.
اما الوصيه الاخيره نقبلها على علاتها لان الاخ محمد يسين نحنا باقين عليهو عشره
فهو فى مقام الاخ الاصغر .
ومن الجانب دا اطمئن تماما .
والتحيه عبرك لكل الاهل فى السعدانه

اخوكم محمد عبد الرحمن المهدى