نكــــــات

اخى الطيب ود المهدى

تحياتى لك وانت تمتعنا دائما بمشاركات جميله ورائعه
وبمناسبه الصهريج والربطاب اتزكرت نكته,
قالوا فى ربطاب خسر بيهم لورى فى الخلاء ،فقام واحد من ناس الحله قال ليهم اتفضلوا على البيت،المهم جاب ليهم الفطور كسره بى مويه الغداء كسره بى مويه والعشاء برضوا. الصباح اللورى اتصلح واثناء مابودعوا فى ناس البيت الرباطابى سال الولد الصغير ، قال ليهو انت ابوك دا شغال شنو ،قال ليهو ابوى انا شغال جزار قال ليهو ماخاتى امس ضابحلنا صهريج.



مع خالص الود.

واحد مسطولة قاعدة تفكر , قالت البورة عرفناها اها عدم الولادة شنو كمان , تحياتى الطيب المهدى

واحد مسطول طلع الظلط فلاقي بتاع تاكسي سأله فاضي يا اسطه؟ فرد بتاع التاكسي ايوة فاضي فقال له المسطول طيب ماتجي تقعد معانا شوية

اثنين مساطيل الاول بقول للثاني انا شايفك تلاته تلاته والثاني بقول ليه انا شايفك اتنين اتنين استمرو في الغلاط في النهاية اتفقو يمشو لشيخ المشايخ ويحكو ليه المشكلة بعد ان قابلوه وحكو له المشكلة قاليهم الباقين ديل كلهم يمشو يقعدو لي ناس المشكة بس

مساطيل بحضرو في نشرة الاخبار النشرة طولت واحد سأل الثاني انت النشرة دي طولت كدا ليه فرد الثاني احتمال تكون الليلة اخر حلقة

واحد بلدياتنا مشي امريكا يتعالج سأله الطبيب عن الكي الفي رقبته.(وط إز زيز.) فرد عليه بلدياتنا زيز إز تش....