الجملون سعدانة

الجملون سعدانة

المنتدي الذي يجمع كل ابناء الجملون سعدانة

منتديات الجملون التي تجمع كل محبي الجملون سعدانة

المواضيع الأخيرة

» عامان غياب
الجمعة نوفمبر 29, 2013 12:51 pm من طرف العضو الكسول

» كيف تقاوم الخوف ؟
الأربعاء فبراير 06, 2013 12:50 am من طرف التاج مكى

» تهنئة بالعام الميلادى 2013
الأحد ديسمبر 30, 2012 2:29 am من طرف التاج مكى

» عادات سيئة تدمر ادمغتنا !!!
الإثنين نوفمبر 12, 2012 5:21 am من طرف محمدالصافي KLA$H

» احاديث نبوية حول شهر رمضلن
الثلاثاء يوليو 24, 2012 2:44 pm من طرف التاج مكى

» رمضان كريم رمضان كريم
الإثنين يوليو 23, 2012 4:50 am من طرف التاج مكى

» فتح باب الترشيح لتعيين مدير جديد للمنتدى
الأحد مايو 06, 2012 8:10 pm من طرف محمدالصافي KLA$H

» رسالة الى دكتورة اسيلات
الأحد مايو 06, 2012 8:04 pm من طرف محمدالصافي KLA$H

» قصة سيدنا نوح
الأحد أبريل 15, 2012 12:52 am من طرف ماجد محمد(ود الكفر)

التبادل الاعلاني

التبادل الاعلاني

www.google.com

www.google.com


    داير تموت بي شنو

    شاطر
    avatar
    الطيب المهدي
    عضو مؤسس
    عضو مؤسس

    ذكر عدد المساهمات : 73
    السٌّمعَة : 3
    تاريخ التسجيل : 17/08/2009

    داير تموت بي شنو

    مُساهمة من طرف الطيب المهدي في الثلاثاء مايو 04, 2010 2:57 am

    عاوز تموت بي شنو؟
    * لو عاوز تموت من الحسره ؟
    * - ياتتفرج على اعضاء المجلس الوطني وهم يمارسون (فضيلة الصمت) تجاه مشاكل المواطنين
    * - يا تتفرج عليهم وهم يمارسون (حق) الكلام عن (زيادة مخصصاتهم)
    * لو عاوز تموت مفرووووس ؟
    *- يا تقرأ لـ(عبدالرحمن الزومة) الذى يكتب عمودا يوميا (بين قوسين) يعدد فيه حسنات وإنجازات (النظام)
    * - يا تبحث عن (مردود) ما يسمى بعائدات النفط .
    * لو عاوز تموت شهيد ؟
    * - يا تسافر عن طريق أحد شوارع (الموت) التى لا تصلح حتى كشوارع (داخلية)
    * - يا تخرج فى مظاهرة (سلمية)
    * لو عاوز تموت بالسرطان ؟
    * - يا تتناول الخبز المحسن (بالبرومايد) الذى يباع (عينى عينك) أمام نظر السلطات
    * - يا تتناول (المواد الغذائية) منتهية الصلاحية المفروشه (عينى عينك برضو) على الأرض فى الأسواق .
    * لو عاوز تموت من الغيظ ؟
    * - يا تسمع تبريرات (الحكومة) حول قوات (الهجين)
    * - يا تسمع تبريرات (الداخلية) حول إطلاق النار على المواطنين فى (كجبار).
    * لو عاوز تموت من الجوع ؟
    * - ياتنتظر (الدوله) توفر ليك (شغل) تسد به رمقك
    * - يا تحرى ليك (قريشات) من (بيت مال المسلمين)
    * لو عاوز تموت من الهبل ؟
    * - يا تستمع لما تبثه (الإذاعه والتلفزيون) من إعلانات (ساذجه)
    * - يا تستمع لإحدى مذيعات النيل الازرق في برنامج مشوار المساء
    * لو عاوز تموت مرعووووب ؟
    * - يا تقرأ عن عدد ونوع الأسلحة والعتاد الذى تمتلكه (المليشيات) داخل العاصمة
    * والتى تجاوز عددها 47 حسب شهاده مسئول كبير
    * - يا تضع عينة من مياه الشرب تحت مكبر (مايكروسكوب) وتنظر لما تحتويه من (كائنات) غريبة الشكل !!
    * لو عاوز تموت من الضحك ؟
    * - ياتقوم تتذكر إنو نحنا (دوله بتروليه)
    * - يا تقوم تتذكر أيام قبل ما يتم (إنقاذنا)
    * لو عاوز تموت مليونير ؟
    * - يا تكون مسئول وعندك (بيزنس)
    * - يا تكون عندك (بيزنيس) وأخوك (مسئول)
    * لو عاوز تموت من الإندهاش ؟
    * - يا تسأل روحك (مرتبك ده مكفيك إنت والأولاد كيف؟)
    * - يا تسأل روحك (المسئول ده عمل العمارات دى) من مرتبو كيف؟
    * لو عاوز تموت من الحزن ؟
    * - يا تعود إلى البلاد من أى سفرية (خارجية) وتقارن بيننا وبين الناس البره
    * - يا تقيف أمام إحدى المستشفيات (الحكومية) وتشاهد المواطنين الذين يتسولون قيمة الدواء
    * لو عاوز تموت على الحديده ؟
    * - يا تعمل ليك مشروع تجارى و(يجوك ناس الجبايات التركية)
    * - يا تدخل ليك مرابحة مع (بنك إسلامى)
    * لو عاوز تموت قبل يومك ؟
    * - يا تقوم بإجراء عملية جراحية (دقيقه) فى أحدى (المستوصفات الخاصة)
    * - يا تقوم بإجراء عملية جراحية (غير دقيقه) بأحدى المستشفيات (الحكومية).
    * لو عاوز تموت من الإستغراب ؟
    * - يا تشوف مواطن عاوز يعمل ليهو عملية تتوقف عليها حياتو (بشهاده الأطباء) وديوان (الزكاه) يديهو (ملاليم)
    * - يا تشوف عدد حالات (إلى ذوى القلوب الرحيمة) التى تنشرها الصحف فى دولة (المشروع الحضارى)
    * لو عاوز تموت من الزهج ؟
    * - يا تنتظر الكهرباء المقطوعه (من الصباح) تجى راجعه
    * - يا تنتظر دورك الـ 96 فى عيادة الأخصائى الكبير !
    * لو عاوز تموت مخنوق ؟
    * - يا تقيف فى صف العربات الطويل المتوقفه فى إنتظار العبور للخرطوم من (أم درمان) بكبرى النيل الأبيض (الما معروف يتصلح متين)
    * - يا تكون واقف فى (صف دفع الجمرة الخبيثه) يوم نهاية (الدعم)
    * لو عاوز تموت مزهووووووول ؟
    * اسمع قاضي المحكمة العليا بتكلم عن لون قميص لبني في حيثيات قضية البنطلون الما عندو لون
    لو عاوز تموت وفى نفسك سؤال ما لاقى ليهو إجابه ؟
    * - يا تسأل عن (خلوها مستورة دى لمتين ح تكون مستوره)
    * - يا تسأل روحك (طيب ليه ما يخلونا فى الصورة) ؟
    * لو عاوز تموت مبسوط في الواقع الحالي دا ؟
    *** (صدقنى) يا بتحلم
    *** - يا …….. بتحلم
    منقول...

    عاطف عبدالرحيم
    مستجد
    مستجد

    عدد المساهمات : 9
    السٌّمعَة : 0
    تاريخ التسجيل : 15/04/2010

    رد: داير تموت بي شنو

    مُساهمة من طرف عاطف عبدالرحيم في الثلاثاء مايو 04, 2010 6:59 am

    وانا مت من جون 89
    avatar
    محمد المهدى
    عضو مؤسس
    عضو مؤسس

    عدد المساهمات : 103
    السٌّمعَة : 5
    تاريخ التسجيل : 22/01/2010

    رد: داير تموت بي شنو

    مُساهمة من طرف محمد المهدى في الأربعاء مايو 05, 2010 3:16 pm

    اخى العزيز ود المهدى


    ولو داير تموت بالمغصه جرب واقطع البحر المالح ساعتها سوف تردد مع حمد الريح ياقلبى المكتول كمد!!!



    تقبل سلامى وعاطر التحايا


    اخوك محمد
    avatar
    العضو الكسول
    عضو نشط

    عدد المساهمات : 398
    السٌّمعَة : 4
    تاريخ التسجيل : 01/05/2010

    رد: داير تموت بي شنو

    مُساهمة من طرف العضو الكسول في السبت مايو 08, 2010 2:35 pm

    بدون تعليق . تحياتى

      الوقت/التاريخ الآن هو الإثنين سبتمبر 24, 2018 7:48 am